الأثر الى هتسيبه فى الحياة هيعيش اكتر منك بكتير ! استثمر من دلوقتي في الاثر الي انت عايز تسيبه, الحاجه الكويسه بتاخد وقت عشان تتعمل و اكبر ثمن هتدفعه عشان توصل لهدفك، هو راحتك متكسلش.. وإوعي تبطل سعي
تعرف ايه هي أغني أنواع الأرض في الكون اقولك انا.. اغني أنواع الأرض هي المقابر.. المقابر شايلة ملايين من الناس ماتوا ومعاهم أحلامهم .. أحلام تغير العالم والبشرية حرفياً اسعي لتحقيق حلمك، جازف وعافر.. مافيش حاجة اسمها حلم تافه إحلم حلم وحققه وماتخليش لحلمك تاريخ إنتهاء
أهم خطوة تعملها في حياتك في حق نفسك انك كل فترة تقف وتشوف هل الطريق اللي انت ماشـي فـيه ده,هو الطريق الصح؟طيب هل هو ده اللي إنت عايزه ؟ هو ده اللي هيوصلك للي حلمت بيه ؟ ولو كل الإجابات كانت لأ, هد كل حاجة وأبدأ من جديد,مش عيب! مافيش حد هينفعك غـير نفسك
خليك جرىء مع حلمك , تأكد دايماُ إن النجاح ينتظر الأشخاص الذين يمتلكون الإرادة والجرأة للسعي نحو تحقيق أحلامهم وأهدافهم
عاوز تكون ناجح؟ .. ببساطة جدا حاوط نفسك ديماً بالناس الناجحين أبعد عن أي حد سلبي.. ابعد عن كل الناس اللي بتضغطك نفسياً.. ابعد عن أي حاجة بتضيع وقتك خليك مختلف خلي كل الناس تشوف حلمك مجنون
الناس مابتشتريش منتج أو خدمة الناس بتشترى قصة هتخليه يحس بشعور أو تجربة مختلفة جداً لما يستخدم المنتج ده
اتعامل مع شغل كل عميل كما لو كان هو شغلك الخاص هتقدر تشتغل للعميل ده من قلبك وتكون سبب في نجاحه
علشان تكون من الـ 1% المتميزين لازم تعمل اللى 99% ماعرفوش أو كسلوا يعملوه ,ومش أهم حاجة انك تعرف نقاط ضعفك وتقويها على قدر ماتعرف نقاط تميزك والـ USPS الخاصة بيك وتهتم بيها أكتر وأكتر وماتنساش تتوكل على الله وأنت بتسعى والنفع منه سبحانه وحده
مهما كان شغلك أوتخصصك افتخر بكل مرحلة وصلت لها بجهدك ولا تقلل من انجازاتك ولا تقارن نفسك بغيرك ,لاأحد يعلم تفاصيل حياتك ولا همومك ,الجميع يكتفى بالنظر من بعيد..تجاهل من يحبطك وركز على أهدافك ستصل وتنجح ولو طال الطريق
حافظ علي جودة حياتك ! فأنت ما تشاهده ماتسمعه ماتقرأه فإحرص دايماً علي إنتقاء أجودها
طول مافي بكرة في شمس هتطلع و في أمل هيتجدد أوعي تبطل تحاول طول ما في أمل
كن على يقين ان اي مجهود بتعمله او شغل تعبت فيه مش بيروح عليك حتى لو ما اخدتش نتيجته دلوقتي .. اي حاجه بتتعب فيها بتتخزن في رصيد انا بسميه "حصالة المجهود" كل شغل بتعمله وكل وقت سهرته وكل مشروع اشتغلت عليه بجد وفي الاخر ملقيتش عائد ولا حتى كلمة شكر عليه متزعلش صدقني عند ربنا مبيروحش ومتخزن في حصالة المجهود بتاعتك واول ما يجي الفرج هتلاقي الحصاله اتفتحت وهتلاقي تيسير وبركه ورزق باقل مجهود لدرجة انك هتستغرب ده جالك ازاي
معظم الأشياء المهمة في العالم أنجزها أشخاص آمنوا بالمحاولة رغم أن الأمل كان يبدو منعدمًا
مهم جداً إنك تكون ناجح،بس الأهم إنك تكون مميز وسط الناجحين
اجتهد على نفسك لتكون أنت الواسطة ,لتكون أنت أثمن من جميع ممتلكاتك ,ومهما تبدلت الأحوال تتمكن البدء من جديد
ثق في المبدأ الإلهي والقاعدة الربناية وهي "الإحسان" لو هتعمل اي حاجة في الدنيا مهما كانت إعملها بـ "إحسان" وثق إن مردود ده جاي جاي مهما طال وقته..لا جدال في القواعد الربانية ..👌 ربنا عز وجل قال إِنَّ الَّذِينَ آمَنُوا وَعَمِلُوا الصَّالِحَاتِ إِنَّا لَا نُضِيعُ أَجْرَ مَنْ أَحْسَنَ عَمَلًا
خاف من الندم..أكتر ماتخاف من الفشل 💪 ماتخافش من انك ماتتوفقش في شغلك ..خاف انك ماتسعاش وماتعملش اللي عليك ماتخافش انك ماتنجحش في دراستك ..خاف اوي انك ماتتعلمش صح وتفيد نفسك ماتخافش انك يبقي شكلك وحش قدام الناس وانت بترفض اي حاجة حرام ..لكن خاف اووي اووي علي شكلك قدام ربنا
كتير من الناس بيكدبوا و يصدقوا كدبتهم👌 ... كتير من الناس بيختاروا الفشل ماتكونش منهم .. خليك صريح مع نفسك مهما كانت الصراحه قاسيه.. و دا طريقك الواضح للنجاح
ماتسعاش انك تكون أفضل من حد،علي قدر ماتسعي انك تكون كل يوم أفضل نسخة من نفسك اللي كانت عليه امبارح
التجارب مافيهاش مكسب وخسارة, ولكن فيها قيم مُكتسبة
هتمر بمواقف صعبه .. هتضعف .. هتحس انك خلاص مالكش قومة تانى ، بس قوتك و إيمانك باللى خلقك و بحلمك و بنفسك .. هيخلوك تقوم من تانى اقوى و هتحقق كل اللى افتكرته مستحيل فى يوم من الايام
يقال إنَّك مش هتعيش غير مرَّة واحدة، لكن دي مش حقيقة. إنت هتعيش كل يوم ومش هتموت غير مرَّة واحدة بس. فعيش الحياة اللي إنت حاببها، مش الحياة المفروضة عليك
معادلة بسيطة كل ماتزود مجهودك كل مافرصك هتزيد
ابدأ يومك النهارده و انت فخور بنفسك, فخور بانك بتحاول و انك بتجتهد و انك بتحاول تعمل كل اللي عليك و اكتر دايما .. اتبسط بأنجازاتك مهما كانت صغيرة و اتأمل في فضل ربنا عليك و خلي عندك ثقة في ان الفرج هايجي مهما طال الوقت و ان لكل مجتهد نصيب مهما الظروف بينت العكس.. و بكره يجي يوم و تحكي إنجازاتك لأولادك و عن تعبك و صبرك و قد ايه ربنا كرمك
تاريخك عبارة عن انجازاتك بالأمس واليوم هو أمس غداً ,اتحرك
